Zur Alp gheeret diä beedä Schtäfel Heitersbüel und Furt. Si liit uf rund 1750 Meter uber Meer. Vum Arnisee üs isch das Alpgebiät in ärä Schtund z Füäss z erräichä.
Im Herbscht 2009 het das Chliiwasserchraftwärch Leitschach sii Betriib üfgnu. Gnutzt wird ds Wasser vum Leitschachbach. Ganz i dr Neechi isch d Leitschachhittä. Das isch dr ideali Üsgangspunkt fir verschideni Bärgtüürä.
Im Verläüf vu dr Alpzit entschtaht da rund ä Tonnä Alpchääs, wo diräkt uf dr Alp cha probiärt und gchäüft wärdä.
«Ä wiissä Vogel het da vor langer Zit gwarnet, äs gäb de eppä ä gwaltigi Kataschtrophä. Aber nit all Älpler hent dr Üfforderig „furt, furt“ wellä gläübä und hent so ires äiggnigä Läbä verschpilt.»
Ürner Sagäwält